Ученички активности: „8 ми Март“

Ученици сме во II а одделение при ПОУ „Сандо Масев“ - с. Баница. Одделенски наставник Петар Витанов.

Во пресрет ни доаѓа еден голем празник „8 ми Март“ се вика - Ден е на мајките; Ден на жената: мајка, баба, тетка, стрина - опишена во приказните и во бајките...
На тој ден ним - цвеќе им се подарува, со најубави желби за среќа и радост, им се посакува сè најубаво тогаш: здравје, напредок, и - вечна младост!

- Убава е птицата во лет,

убав е синиот нежен цвет,

ама насмевката на мама

е поубава од сè!

Зар не?

Зошто го празнуваме „8 ми Март - Денот на жената“

Осми март е празник во знак на сеќавање на долготрајната борба на жените во светот, за правата кои со векови им биле ускратувани. Тие немале право на глас на изборите, а во сите важни работи мажите го имале главниот збор.

Во Америка - Чикаго на „8 ми Март“ 1909 година биле одржани големи демонстрации на жените кои барале рамноправност, почитување, леб и вработување. Во 1910 година Клара Цеткин - жена револуционерка, жена што вечно ќе се споменува и високо цени, го прогласила „8 ми Март“ за меѓународен празник на сите жени! Роза Луксембург - пријателка на Клара - борец за човечки права, затоа секоја чест и слава! За нив букет со свежо цвеќе, зошто животот го дале да ни биде нам живот среќен...

Букет за Клара Цеткин

Букет за Роза Луксембург

Денес мајко ти празнуваш, во слобода на успесите наздравуваш, рамнноправно работиш, самоуправуваш. Денес твоите раце се вредни и златни. Секое цвеќе што ќе никне искапено в роси, долго ќе ги краси твоите коси.

- Честит празник драга мајко!